Сокулуктун Новопавловка айылындагы бут кийим чыгарган фабрика ишке кирди.
Ал бут кийимди робот жана санариптик технологияны пайдаланып чыгарган Кыргызстандагы алгачкы заманбап ишкана болуп саналат. Фабриканын иши менен минкаб төрагасынын орун басары Бакыт Төрөбаев таанышып чыккан.
Ишкана материалдарын Россия, Италия жана Түркиядан алдырып, жылына 300 миң жуп бут кийим чыгарып, 100дөй адамды иш менен камсыз кылган.
Компания жетекчилиги жакынкы жылдары өндүрүш кубаттуулугун жылына 1 млн жупка чейин кеңейтип, кызматкерлердин санын 300 адамга чейин көбөйтүүнү пландап жатканын айткан.
