Станциянын кубаттуулугу 6,8 мегаватт. Ал облустун 10 миңден ашуун тургунун электр энергиясы менен камсыз кылат.
Инвестициялардын көлөмү 7,8 миллион долларды түзсө, жарымын өзбек-кыргыз өнүктүрүү фонду, экинчи жарымын жеке инвестор бөлгөн.
Жапаров “Исфайрам-1”, “Белес”, “Авлетим”, “Лейлек”, “Курак-Тектир”, “Адын-Үңкүр”, “Буйга”, “Кожо-Каир”, “Кара-Жыгач”, “Ленинполь” жана “Аманат” кичи ГЭСтери даярдалып жатканын билдирди. Алардын жалпы кубаттуулугу 140 мегаваттка жакын болот.
