Баткен облусунун Лейлек районунда залкар акын Курбаналы Сабыровдун жаркын элесине арналган 35-эл аралык поэзия фестивалы өтүп жатат. Иш-чарага Кыргызстандын жана коңшу өлкөлөрдүн акын-жазуучулары, маданият ишмерлери жана жаштар катышууда.
Фестивалдын ачылышына Министрлер Кабинетинин Төрагасынын орун басары Эдил Байсалов катышып, поэзиянын элдерди бириктирүүдөгү ролун белгиледи.
“Бул жерде жүрөктөрдү бириктирген саптар жаңырат. Мындан ары да поэзия тынчтыктын жана ынтымактын символу болсун”, — деди Э. Байсалов.
