Ош шаарынын мэринин орун басары Нурбек Кадыров эки кыз жана бир уулду жарык дүйнөгө алып келген үч эмдин энеси Ош шаарынын Жапалак айылдык аймактык башкармалыгынын жашоочусу 32 жаштагы Садирали кызы Чолпондон кабар алды. Бул тууралуу Ош шаардык мэриясынын маалымат кызматы билдирди.
Маалым болгондой мэрдин орун басары Нурбек Кадыров эне-бала саламаттыгын сураган соң, Ош шаарынын мэриясынын атынан сүйүнчү акчасын берди.
Белгилей кетсек, Садирали кызы Чолпон жолдошу Азамат Мусаевдин үй-бүлөсүндө эми 5 баласы бар.
Жаңы төрөлгөн ымыркайларга, Али, Айлин, Аманда деген ысымдар берилди.
