Лейлекте 10жылга жакын издөөдө жүргөн жаран башка өлкөдөн кармалып келди. Бул тууралуу Баткен облустук милициясынын маалымат кызматы билдирди.
Маалыматка ылайык, Раззаков шаарынын 39жаштагы тургуну Ш.Д. 2015-жылы бейбаштык жасап, кылмыш жоопкерчилигинен кутулуу максатында изин суутуп кеткен. 2015-жылдын август айынан бери Лейлек РИИБдин ыкчам кызматкерлери издөө иштерин жүргүзүп, кылмышка шектүүнүн жүргөн жери аныкталган эмес.
Лейлек РИИБдин ыкчам кызматкерлеринин жүргүзгөн ыкчам- иликтөө иштеринин натыйжасында Россияда Федерациясында экендиги аныкталып, орусиялык кесиптештердин жардамы менен кармалып, Лейлек РИИБдин убактылуу кармоо жайына киргизилди.
Учурда тергөө иштери уланууда.
