Кадамжай районунун 16 жашка чейинки кыздар арасындагы курама командасы Бишкек шаарында өткөн волейбол боюнча Кыргыз Республикасынын чемпионатында 1-орунду камсыз кылышты. Команда мыкты оюн көрсөтүп, таймашта жеңишке жетишкен.
Бул ийгилиги үчүн команданын машыктыруучусу С. Ташбаев жана оюнчулар Кадамжай районунун мамлекеттик администрациясынын башчысы-аким Б. Баяке уулу тарабынан “Ыраазычылык каты” жана акчалай сыйлыктар менен сыйланышты.
Мындан сырткары, 9-май — Улуу Ата Мекендик согуштун 80 жылдыгына карата өткөрүлгөн райондук иш-чарага жигердүү катышкан бир нече мектептер да майрамдык иш-чаранын жогорку деңгээлде өтүшүнө кошкон салымы үчүн ыраазычылык каттары менен сыйланышты.
