Анда чет элдик студенттер жашаган жатаканада болгон окуя жана окуу процессин калыбына келтирүү маселеси талкууланды.
“Президенттин тапшырмасы менен өкмөт жабыркаган чет элдик студенттерге келтирилген чыгымды төлөп берүү маселесин кароодо. Мындай компенсация кандай формада жана кандай мөөнөттө жүргүзүлөрү кошумча жарыяланат”, — деди Байсалов.
Жыйындын катышуучулары студенттердин коопсуздугун камсыздоо, алардын жергиликтүү коомчулуктун жашоосуна интеграциясын күчөтүү жана өлкө ичинде да, чет өлкөлөрдө да түшүндүрүү иштерин жүргүзүү маселелерин козгошту.
