Россияга кирүүнүн жаңы эрежелери:
30-ИЮНДАН ТАРТА КҮЧҮНӨ КИРЕТ
Кыргызстандын Тышкы иштер министрлиги 30-июндан баштап Россияга кирүү тартибине жаңы талаптар киргизилерин маалымдады.
Жаңы тартипке ылайык, чет элдик жарандар, анын ичинде кыргызстандыктар, Россияга барардан 72 саат мурда RuID мобилдик тиркемеси аркылуу сапардын максатын көрсөтүп, онлайн арыз тапшырышы керек.
Эгерде сапар шашылыш жагдай — ооруканага жатуу, жакын туугандын кайтышы ж.б. себептер менен байланыштуу болсо, тийиштүү документтерди тиркөө менен арызды 4 саат мурда тапшырууга мүмкүнчүлүк берилет.
Тапшырылган арыздын негизинде жаран тууралуу санариптик профиль түзүлүп, ал россиялык мекемелерден онлайн мамлекеттик кызматтарды алууда колдонулат.
