Кыргызстанда электромобилдерге жашыл номурлар берилет. Президент Садыр Жапаров “КРнын айрым мыйзам актыларына (“Айлана-чөйрөнү коргоо жөнүндө”, “Кыргыз Республикасындагы жол кыймылы жөнүндө” Кыргыз Республикасынын мыйзамдарына) өзгөртүүлөрдү киргизүү тууралуу” мыйзамга кол койду.
Кабыл алынган мыйзамда электр кыймылдаткычтары бар дөңгөлөктүү транспорт каражаттарын пайдаланууда жеңилдиктерди берүү жана электр менен жүрүүчү транспорт каражаттарын заряддоо инфраструктурасын түзүү каралган.
Ошондой эле, кабыл алынган мыйзамда мамлекеттик каттоодо электромобилдерге атайын жашыл мамлекеттик каттоо белгилерин берүү киргизилген.
