Ишкер Имамидин Ташов Чүйдө кармалды
УКМК билдиргендей, Ташов бийликти басып алуу үчүн каршылык акциясын өткөрүү максатында убактылуу штаб уюштурууну пландап Алматыдан Кара-Балтага келе жатканда колго түшүрүлгөн.
Ташов былтыр октябрда УКМК тарабынан кармалып, кайра бошотулган. Кийин бийликти сындаган видео кайрылуу жасаган. Атайын кызмат ишкердин бийликти басып алууга даярданды делген сүйлөшүүсүн таратып, ага издөө жарыялаган.
