Баткенде 32 жаштагы аял башынан оор жаракат алып реанимацияга түштү. Буга шектелип анын күйөөсү кармалды.
Бул тууралуу биздин редакцияга облустук милициядан билдиришти. Милициянын маалыматына таянсак, шектүү камакка алынып, «Ден соолукка оор залал келтирүү» беренеси менен кылмыш иши козголгон.
Учурда жабыркаган аял Баткен облустук ооруканасынын жандандыруу бөлүмүндө. Абалы оор деп бааланууда.
