Бардык категориядагы автотранспортторду милдеттүү техникалык кароодон этап-этабы менен өткөрүүнү (техосмотр) кайрадан киргизүүнү Экономика министрлиги сунуштап жатат
Өлкөдө жалпысынан 1,6 млн транспорт каражаты бар.
Кыргызстанда машиналарды техникалык көзөмөлдөн өткөрүү 2012-жылы токтотулган болчу. Бул чара экологиялык абалды жакшыртуу үчүн киргизилип жатканы айтылат. Авто унааларды милдеттүү түрдө техникалык кароодон өткөрүү бул коррупциялык чара делип, Өмүрбек Бабановдун өкмөтү учурунда алып салынган.
Сунушту экономика министрлиги киргизип, токтом долбоору коомдук талкууга коюлду.
