КР Сейсмология институтунун такталган маалыматына ылайык, бүгүн, 9-сентябрь күнү саат 09:41де Кыргыз Республикасынын аймагында жер титирөө катталган. Тактап айтканда, Баткен облусунун Баткен районунун Көк-Таш айылында 2,5 балл, Булак-Башы айылында 2 баллга (Көк-Таш айылынан 10 чакырым түштүк батышта, Булак-Башы айылынан 21 чакырым батышта, Баткен шаарынан 35 чакырым түштүк батышта) чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок.
