Лейлек районунун мамлекеттик администрациясы жыл башында жарыяланган көрктөндүрүүнүн 3 айлыгынын жыйынтыгын чыгарды. Жыйынга Кыргыз Республикасынын Президентинин Баткен облусундагы ыйгарым укуктуу өкүлүнүн орун басары Ж.Исаков, Лейлек районунун мамлекеттик администрациясынын башчысы-аким К.Осмонбеков, коллегия мүчөлөрү, райондук мекеме- ишканалардын жетекчилери жана жергиликтүү өз алдынча башкаруу органдарынын башчылары катышты.
Раззаков шаарынын социалдык инфраструктурасын, санитардык абалын жакшыртуу, жашылдандыруудагы өзгөчөлүгү үчүн Раззаков шаары биринчи орунга татыктуу болгон. “Ар бир короо таза болсо, шаарыбыз таза болот” деген ураан менен иш алып барган шаардыктардын мындай үлгүлүү иштери өлкөдөгү башка шаарларга дагы үлгү.
