Мамлекеттик тил майрамы белгиленди

batkentany

7 месяцев назад

Соц.тармактарда бөлүшүү

МАМЛЕКЕТТИК ТИЛ – ЭГЕМЕНДИКТИН ӨЗӨГҮ, УЛУТТУН НАРК-ДӨӨЛӨТҮ

23-сентябрь КР Мамлекеттик тил күнүнө карата Кыргыз Республикасынын Ички иштер министрлигинин Ички аскерлеринин 7707 аскер бөлүгүнүн 9-батальонунун 1-ротасынын взводдору арасында иш чара өткөрүлдү.

Иш чара КР гимни менен салтанаттуу ачылып, ага журналисттер, кыргыз тили мугалимдери жана атайын чакырылган коноктор катышышты.

Салтанаттуу иш чарада аталган Кыргыз Республикасынын Ички иштер министрлигинин Ички аскерлеринин 7707 аскер бөлүгүнүн 9-батальонунун командири Бахтияр Бекматов аскерлерди бүгүнкү тил күнү менен куттуктап, тилдин маанилүүлүгүнө кеңири токтолуп өттү.

Андан кийин иш чаранын коногу облустук “Баткен таңы” гезитинин башкы редактору Адылбек Ахматов, тил мыйзамынын кабыл алынышы, тарыхы, тилдин түрү жана бүгүнкү күндөгү коомдогу орду, Мамлекеттик тил элибиздин өзөгү экендиги тууралуу айтып, батальондун аскерлерин Мамлекеттик тил күнү майрамы менен куттуктады.

Иш чаранын жүрүшүндө өздүк курамга Мамлекеттик тил күнүнө карата атайын даярдалган видео тасма көрсөтүлүп, ачык сабактар өткөрүлдү.

Бүгүнкү иш чара “Аскер таланттары 2024” кароо-сынагынын алкагында өткөрүлүп, ага өздүк курамдан куралган «Ынтымак», «Универсал» жана «Бүркүттөр» командалары катышты. Сынакта жоокерлер арасында, өзүн-өзү тааныштыруу, патриоттук, энелер жөнүндө ырларды аткаруу, аскерлер турмушунан алынган тамашалар, Манас эпосунан үзүндү айтуу учурунда сахналаштырылган көрүнүштөрдү көрсөтүп беришти.

Жыйынтыгында жеңүүчү командалар Диплом, Ардак грамота жана баалуу белектер менен сыйланышты. Иш чара жалпы эстеликке сүрөткө түшүү менен аяктады.