Эл аралык донорлор тарабынан 41 млн долларга Раззаков, Кызыл-Кыя жана Баткен шаарларында суу түтүкчөлөрүн ондоо иштери жүрүүдө. Бул тууралуу Баткенде өткөн Каржы министрлигинин “Конференциялар кербени” аттуу илимий-практикалык конференцияда Каржы министринин орун басары Руслан Татиков билдирди.
Ошондой эле, Баткен облусуна республикалык бюджеттен “дем беруучу гранттар” беренеси аркылуу 2024-жылга 107,9 млн сом каралды же болбосо 3 эсе көбөйдү. “Каржы министрлиги тарабынан чакан жана орто бизнести колдоо максатында Баткен облусу боюнча 909 ишкерлерге 678,4 млн сом пайызсыз насыя берилди”, – деди ал.
Мындан сырткары, мамлекеттик инвестициялардын алкагында Баткен регионун өнүктүрүү долбоору боюнча азыркы күндө Дүйнөлүк банк тарабынан 50 млн доллар бөлүнгөн, ушул долбоордун алкагында 15 социалдык объектилер курулду.
