Баткен областынын прокуратурасы тарабынан Баткен шаарынын мэриясында жер мыйзамдарынын аткарылышы боюнча текшерүү жүргүзүлдү.
Текшерүүдө, Баткен шаарынын С.Сыдыков көчөсүндө жайгашкан 0,11 га жер тилкесине соттук чечимдер чыгып, бирок тиешелүү кызмат адамдары тарабынан аталган жер тилкесине карата укук тастыктоочу жана укук күбөлөндүрүүчү документтер алынбай, муниципалдык менчикке өткөрүлбөй келгендиги аныкталды.
Аталган мыйзам бузуучулуктарга карата Баткен областтык прокуратурасы тарабынан Баткен шаарынын мэринин наамына ченемдик укуктук актылардын бузулушун четтетүү жөнүндө талап келтирилип, жыйынтыгында 15 млн 400 миң сомго бааланган, жалпы аянты 0,11 га жер тилкеси Баткен шаарынын мэриясынын муниципалдык менчигине алынды.
